ايام منتظر الزيدى مضرب بوش بالجزمة كتبت القصيدة دى .
** ملحوظة منتظر الزيدى اتحكم عليه بـ 3 سنين واتخفف الحكم لسنة وحدة ..
بس انتظرو منتظر الزيدى ده بطل قومى فى العراق وخدوها كلمة منى..
نظراً لحبى للجزم
وأكله حلوة على راس صاحبنا
فى بلاد ابونا اتعزم
يا بوش يا غازى!!
لو ميت(100) منصور؟
بالجزمه !
يبقى اتهزم
مولود بقالى زمان
ييجى ربع قرن قبل عام الجزم
عدى عليّه كتير
ومرت عليّه الجزم
( أسبانى وايطالى وصينى ومصرى)
لكن العراق فيها أم الجزم
******
يا حته من دجله
على الفرات واكله
ولفه ع النيل.
الضرب ما هو مستحيل.
أبداً بالجزم
الدنيا تشهد وعنيه أول شاهد
وعملنا أحزاب للجزم
وكمان عملنا
رابطة محبى الجزم
والحاج كان بيدعيلى
اموت عشان الجزم
يمكن دى دعوة حاج
لسه راجع من الحرم
صارف فلوسه ع الحجاز
جايب هدايا الدنيا
للحبايب والعيال
ترتبع تلاف رابطة جزم
********
يا جزمة الوادى العتيق
على راس العَلَم
الكل مخروس من ساعتها
ولا اللى مضروب بالألم .
وانا اللى فرحان. وزعلان
عشان جوز جزم
راحو هدر
مع منتظر
اللى اكيد راح يتظلم
علشان يعوض جزمه
مضروب بيها صدام قبل ما يتعدم..
ونصيحه ليك يا بوش
قبل أى مؤتمر
تعمل جهاز لكشف الجزم....
** ملحوظة منتظر الزيدى اتحكم عليه بـ 3 سنين واتخفف الحكم لسنة وحدة ..
بس انتظرو منتظر الزيدى ده بطل قومى فى العراق وخدوها كلمة منى..
هناك 15 تعليقًا:
آه يا زمان العِبر
من كتر ضعفنا
فرحنا بكل شيء
حتى الجزم
بالله عليك يا صاصا
في زمان غير الزمان
ومش من زمان قوي
كان بوش ها يجرؤ يروح العراق في الأساس
واهلها كانوا ها يضربوه بالجزم فقط
خواطر جميلة مناسبة لمرحلة
ذل فيها العرب وهانوا
تحياتي
فعلا والله يا ستيته الواحد ما كتب مثلا القصيده دى الا من ضعف.
الضعف خلانا نتمسك بأهيف حاجة واتفه حاجة ونعملها ثورة شعبيه كبرى وانتصار ما بعده انتصار..
يعنى مثلا لو كان رئيس عربى مثلا راح امريكا وانضرب بالجزمة من صحفى امريكى مثلا .
هل الشعب الامريكى كان هيبقى مبسوط اوى كده زى ما احنا فرحنا بضرب بوش بالجزمة؟؟؟
معتقدش..
احييكى على زيارة مدونتى الجديده وتشريفك لها بالتعليق.
الله يفك اسر ويصبره ويصبر اهله
واخرا طلع واحد فيه نخوه وما قدر يستحمل ويجامل اغبى رجل فى العالم
تسلم جزمتك يا منتظر
كلماتك معبره كتير
وربنا يارب يهون علي منتظر الزيدي سجنه ويرجعه للاهله سالم
شكرا ليك
سارة
اشكرك على التعليق يا رافعة راسى فى كل الميادين.
هههههههه
نورتى مدونتى الجديدة وربنا ميقطع زيارتك ليها ابدا
صمت المشاعر
اشكرك على التعليق
نورتينى بجد فى مدونتى الجديدة
ربنا يفك اسره وكربه . ويهديه..
نورتينى يا صمت هانم
يا جزمة الوادى العتيق
على راس العَلَم
الكل مخروس من ساعتها
ولا اللى مضروب بالألم .
_____________
حلوه قوي الحته دي :)
بس مش مضروب بالألم (بس) شويه ؟؟:)
هههههههههههههههههه
انا جيت اهو
ومبروك ع المدونة
اصل احننا ناقصة مدونة تانية كمان
كتبت قصيدة عن بنى ادم بقه دلوقتى من اشهر الناس فى العلم
كلامك جميل يا صولاح
هو انتاممكن تكتب قصيدة عنى
ده انا حتة اشهر من منتظر الزيدى
تامر على
اشكرك على الزيارة الجميلة ةالتعليق الاجمل
متحرمناش من تعليقاتك يا باشا
البت المشمشية
حمد الله ع السلامة
البت المشمشية
وهعمل مدونة رابعة كمان وان كان عاجبك؟؟
ههههههههههههه
البت المشمشية
فعلا منتظر ده اتشهر جدا وبقى اشهر منى بكتير
طبعا انا ممكن اعملك قصيده
هوه يعنى اغلى منك؟؟
طبعا لأ
جروب جريدة الصباح العربي بيت المدونين العرب
http://www.facebook.com/groups.php?friends#/group.php?gid=78080770039
إرسال تعليق