جرايد .. جرايد
والدم قايد
والفجر مليان هموم
والمصرى اليوم
معدوم
اخباره قديمه زى الاهرام
وصباحو نايم فى مساءو
ينتظر الفجر مع الاحرار
وصباح الخير. من غير
حتى نهار
***
جمهورية خوف
ولا عمره ف يوم هيشوف
واهو وفد وماشى فى صفوف
وان قلنا كواكب وللا نجوم
والشمس معاد ينفعها كسوف
***
يا شروق
باين محروق
والدستور فى ميدان - النور
مشنوق
***
والشرق الاوسط
هيموت من الجوع
فى خلال اسبوع
أو يمكن على اكتوبر الجاى
وبلاش منك تانى دموع..
***
والكلام ده ملوش دليل
غير حكايتى مع البديل
والعالم اليوم
بقى هوه العميل
كفاية كده..
اللى عارف جرايد تانية يقولى
هناك 6 تعليقات:
يا عم صلاح كفيت ووفيت
وكله كلا جرايد
لا نار في الصدر بيطفي
ولا جرح في بلد بيشفي
تسلم ايدك
الله عليك عجبتنى الفكره اللى تبلورت بكلمات شيك و منمقه :)
تقبل تحياتى و اٍعجابى الحقيقى ..
ستيته هانم
طبعا انا سعيد بتعليقك
بس التعليق ده مش هيعفيكى طبعا من التعليق فى المدونة الرئيسية.
وكله كلام جرايد
نورتى
عمرو بيه
اشكرك على التعليق الجميل الذى لا استحقه
نورتنى
بس بردة التعليق ده لا يعفيك من التعليق فى المدونة الرئسية.
سلام يا صاحبى
ههههه
فكرة حلوة جدا
وحاسة انك ذكرت جرايد انا كمان مش عرفاها
ربنا يوفقك ان شاء الله
سلام
وردة
اشكرك على التعليق الجميل
فعلا دى كلها جرايد حقيقية سواء فى مصر او بعض الدول العربية
إرسال تعليق